Fyrstu nógvu árini varð ullin á Snælduni karðað við hondkarða, men við vaksandi eftirspurningi var íløga í 1968 gjørd í maskinkarða. Henda stóra maskinan karðar ullina, so hon er klár at spinna.

Núverandi spinnimaskinan hevur verið á spinnarínum síðan 1994. Hon spinnur ullina til tógv, ið síðan verður tvunnið og hespað.

Vit framleiða yvir 20 ymiskar litir, har vit bjóða eina blanding av natúrlitum og litaðum tógvi. Vit eru eisini altíð til reiðar at framleiða nýggjar litir.